សម្តេចតេជោ ហ៊ុន សែន ប្រកាសអវត្តមានពីសម័យប្រជុំពេញអង្គព្រឹទ្ធសភា ក្រោយលទ្ធផលវិជ្ជមានកូវីដ-១៩
ភ្នំពេញ៖ នៅថ្ងៃទី២៥ ខែកុម្ភៈ ឆ្នាំ២០២៥ សម្តេច ហ៊ុន សែន ប្រធានព្រឹទ្ធសភា បានប្រកាសនៅលើបណ្តាញទំនាក់ទំនងសង្គមរបស់សម្តេចថា សម្តេចនឹងអវត្តមានពីសម័យប្រជុំពេញអង្គព្រឹទ្ធសភា ដែលគ្រោងធ្វើឡើងនៅថ្ងៃទី២៦ ខែកុម្ភៈ ហើយសម្តេចក៏បានលុបចោលការគ្រោងទុកមួយចំនួន រួមទាំងការយាងចូលគាល់ព្រះមហាក្សត្រ នៅថ្ងៃទី២៨ ខែកុម្ភៈ ឆ្នាំ២០២៥។
សម្តេចតេជោ បានសរសេរក្នុងហ្វេសបុកថា «ដើម្បីជៀសវាងការភ័នច្រឡំពីការអវត្តមានរបស់ខ្ញុំក្នុងអង្គប្រជុំពេញអង្គព្រឹទ្ធសភានាថ្ងៃស្អែក និងការលុបចោលកម្មវិធីជួបភ្ញៀវមួយចំនួនពិសេសការចូលគាល់ព្រះមហាក្សត្រ នាព្រឹកថ្ងៃទី២៨កុម្ភៈ ២០២៥ខាងមុខ។ ខ្ញុំសូមជំរាបថាពេលនេះខ្ញុំមានកូវីដ១៩ ហើយបន្ទាប់ពីក្អក ហៀរសំបោរមួយយប់មួយថ្ងៃកន្លងមកនេះ។»
នៅក្នុងសាររបស់ប្រធានព្រឹទ្ធសភាប សម្តេចតេជោបានជំរុញឱ្យសាធារណជនរក្សាការប្រុងប្រយ័ត្ន និងប្រុងប្រយ័ត្ន ដោយបញ្ជាក់ពីការគំរាមកំហែងដែលកំពុងបន្តនៃមេរោគនកូវីដ-១៩។
